‌‌‌حکومەتی هەرێمی کوردستان - عێراق

وەزارەتی پەروەردە -لیژنەی باڵای تاقیکردنەوە گشتييەكان

تاقيكردنەوە گشتييةكانی قۆناغی ئامادەيی ( دوازدەيەمی زانسيتی و وێژەيی )

بەناوەی خوای گەورە

بابەت: زمان و ئەدەبی کوردی / کات :٣ کاتژمێر

A

ساڵی خوێندن 2024-2025 خولی یەکەم

پەنجەمۆر

وەڵامی ڕاست هەڵبژێرە ( بۆ هەر پرسيارێك دوو نمرە )

لە کام ڕستەدا ئەو هاوەڵناوەی کە بووە بە تەواوکەری کاری ناتەواو، بە هەمان دەستووری وشەی (ڕاوکەر) دروستبووە؟

(A مرۆڤی خەباتکەر خۆشەویستە.

(B کرێکاری ڕەجەندەر کەسێکی سەرکەوتووە.

(C ئازاد موچەخۆرە.

(D ئەم پێشمەرگەیە تێکۆشەرە.

لە ڕستەی (وتارەکە بۆ ئەوان بڵاودەکەمەوە.) ئەگەر بەرکار و تەواوکەری بەیاریدە بگۆڕین بە جێناوی لکاو ڕستەکە دەبێتە:

(A بڵاوی دەکەمەوە بۆتان.

(B بڵاوی دەکەمەوە بۆیان.

(C بۆتان بڵاودەکەمەوە.

(D بۆی بڵاودەکەمەوە.

لە ڕستەی (ڕەنگە ئاوەکە ببێتە سەهۆڵ.)، پیتی بزوێنی (ە) لە دوای (ببێت) چییە؟

(A جێناوی لکاوە بۆ کەسی دووەمی تاک.

(B جێناوی لکاوە بۆ کەسی سێیەمی تاک.

(C ئامرازی پەیوەندییە.

(D کاری ناتەواوە.

لە کام ڕستەدا بکەر جێناوی لکاوە بۆ کەسی سێیەمی تاک؟

(A بۆی ناردم.

(B لە کارەکەی دواکەوت.

(C ڕۆمانێ دنڤیسە.

(D هەموویان ڕاستن.

لە ڕستەی (چەپکە گوڵەکەی زۆر جوان ڕێکخستووە.) (زۆر جوان) چییە؟

(A گرێی هاوەڵکارییە.

(B گرێی ناوییە.

(C گرێی هاوەڵناوییە.

(D هاوەڵناوی لێکدراوە.

کام لەم هاوەڵناوانە دەبێتە دیارخەری ناو و هەمیشە پێش ناوەکە دەکەوێت و پێویستی بە ئامرازی دانەپاڵ نییە؟

(A هاوەڵناوی ژمارەی کەرتی

(B هاوەڵناوی پرس

(C هاوەڵناوی پلەی باڵا

(D هاوەڵناوی نادیار

لە ڕستەی (پێنووسە سوورەکەتم بۆ هێنا.) کام لەمانە ڕاست نییە:

(A ئەگەر (بەرکار) لە ڕستەکە لابدەین ڕستەکە دەبێتە (بۆتم هێنا).

(B جێناوی لکاوی کەسی یەکەمی تاک بکەرە و جێناوی لکاوی کەسی سێیەمی تاک تەواوکەری بەیاریدەیە و دەرنەکەوتووە.

(C جێناوی لکاوی کەسی دووەمی تاک دیارخەرە و جێناوی لکاوی کەسی سێیەمی تاک تەواوکەری بەیاریدەیە و دەرنەکەوتووە.

(D ئەگەر (بەرکار) لابدەین و کاری ڕستەکە بکەینە (ڕانەبردووی ڕاگەیاندن) دەبێتە (بۆی دەهێنم)

کاری کام ڕستە ڕانەبردووە بۆ دەمی ئێستا؟

(A کاوە مامۆستایە.

(B ئەز دچم.

(C ئێمە کوردین.

(D هەموویان ڕاسن.

لە ڕستەی (هاوڕێ دڵسۆزەکان خەخمۆرن.)، ئەگەر ناوی دیارخراو بکەین بە تاکی نەناسراو، چی دەردەکەوێت؟

(A ئامرازی دانەپاڵ (ی)

(B ئامرازی دانەپاڵ (ە)

(C کاری ڕستەکە.

(D (A + C) ڕاسن

10.

کارەکانی ڕستەی (کە نەمامەکان تێرئاوبوون، ئاوەکە بگرنەوە) لە چ ڕێژەیەکدان؟

(A ڕابردووی نزیکی ڕاگەیاندن - داخوازی

(B ڕابردووی نزیکی ڕاگەیاندن - ڕانەبردووی دانانی

(C ڕابردووی دوری ڕاگەیاندن - ڕانەبردووی دانانی

(D ڕابردووی دوری ڕاگەیاندن - داخوازی

11.

کام لەم جێناوە لکاوانە دەبێت بە (بەرکار) یان بۆ بەرکار دەگەڕێتەوە لەگەڵ کاری (ڕابردووی تێپەڕ) لە کرمانجی سەروودا؟

(A ی

(B تان

(C مان

(D یان

12.

کام لەم چاوگانە ئەگەر کاری ڕابردووی نزیکی ڕاگەیاندنی لێ دروستبکەین پێویستی بە (ی) ناوبەند دەبێت؟

(A سوڕانەوە

(B نووسینەوە

(C جوڵانەوە

(D هەموویان ڕاسن.

13.

لە کام لەم ڕستانەدا دیارخراو و دیارخەر ناوی کۆی ناسراون؟

(A پەرتووکەکانی خوێندکاران وەردەگرینەوە.

(B پەرتووکەکانی خوێندکارەکان وەردەگرینەوە.

(C پەرتووکی خوێندکاران وەردەگرینەوە.

(D پەرتووکەکانی خوێندکارەکە وەردەگرینەوە.

14.

لە ڕستەی (گۆڤارەکەی بۆ دەهێنان.) ئەگەر جێناوی (ن) بگۆڕین بە جێناوی (م) دەگونجێت ڕستەکە ببێتە:

(A گۆڤارەکەمی بۆ دەهێنا.

(B گۆڤارەکەی بۆم دەهێنا.

(C گۆڤارەکەی بۆ دەهێنام.

(D (B + C) ڕاسن.

15.

دەربارەی کاری چاوگی (بوون) کام لەمانە ڕاستە؟

(A لە ڕستەی (منداڵەکە لەدایکبوو.) ئەرکی وشەی (منداڵەکە) بکەرە.

(B لە ڕستەی (ئاسۆ سورە لەسەر بڕیارەکەی.) کاری ڕستەکە تەواوی تێپەڕە.

(C لە ڕستەی (ئاهەنگەکە بەشەو بوو.) کاری ڕستەکە تەواو کراوە بەشێوەی بەیاریدە.

(D کاری ناتەواو لە هەموو باڕێکدا ناکرێت بە بکەر نادیار چونکە لە ڕووی کاریگەرییەوە تێپەڕە.

16.

کاری کام لەم ڕستانە ڕابردووی تەواوە؟

(A ڕەنگە ئەنجامی تاقیکردنەوەکە زوو بڵاوبێتەوە.

(B لەوانەیە ئەنجامی تاقیکردنەوەکە بڵاوبووبێتەوە.

(C ئەنجامی تاقیکردنەوەکە بڵاوبووەتەوە.

(D (B + C) ڕاسن.

17.

لە ڕستەی (ئەگەر یارمەتیمان دابان، خەڵاتیان دەکردین.)، بەرکاری ڕستەی کاری مەرج و ڕستەی وەڵامی مەرج چین؟

(A مان، یان

(B ن، ین

(C مان، ین

(D ن، یان

18.

لە کام لەم ڕستانەدا ئامرازی دانەپاڵ و نیشانەی کار و بکەر دەرنەکەوتوونە؟

(A پەنجەرە شکاوەکان چاکبکەوە.

(B قوتابخانە کۆنەکە نۆژەنکەوە.

(C خوێندنگا سەرکەوتووەکان خەڵاتکەن.

(D بییە سەوزەکان مەبڕنەوە.

19.

ڕێژەی کام لەم کارانە ڕابردووی دوری ڕاگەیاندنە؟

(A ئامادەبوو

(B کڕیبوو

(C فێربوو

(D وەنبوو

20.

لە کام ڕستەدا، وشەی (زۆر) بووە بە دیارخەری هاوەڵناو؟

(A قوتابیی زیرەک زۆر دەخوێنێت.

(B پەرتووکێکی زۆر کۆمن کڕی.

(C یاریزانەکە گۆڵەکەی زۆر جوان تۆماركرد.

(D جوتیارەکە کارەکەی زۆر باش ئەنجامداوە.

21.

ئەگەر جێناوی لکاوی بەرکار بۆ کەسی دووەمی تاک بەکاربێنین لەگەڵ (دامان مەزراند)، دەبێتە:

(A دات مەزراندین.

(B دامانت مەزراند.

(C دامان مەزراندیت.

(D (B + C) ڕاسن.

22.

لە کام ڕستەدا تەواوکەری بەیاریدە جێناوی لکاوە بۆ کەسی سێیەمی تاک؟

(A بۆمان دەهێنێت.

(B پێی گەیاندین.

(C لێمان وەرگرت.

(D تێمانی گەیاند.

23.

جێناوی ...................... تەنها لەگەڵ دیارخەرەکەی دەبنە تەواوکەری کاری ناتەواو.

(A کەسیی سەربەخۆ

(B هەیی

(C پرس

(D نادیار

24.

کام هاوەڵکار بە هەمان دەستووری هاوەڵکاری (بێ باکانە) دروستبووە؟

(A بەجوانی

(B بەهێمنی

(C بەئازایەتی

(D بەکوردایەتی

25.

دەربارەی ڕستەی (پێشمەرگە دڵسۆزەکانمان شێرانە بەرگری لە کوردستان دەکەن.) کام لەمانە ڕاست نییە؟

(A جێناوی لکاوی (مان) ئەرکەکەی دیارخەری وشەی (دڵسۆز) ە.

(B دیارخەری ناوی (پێشمەرگە) پێکهاتووە لە (ناو+ناو).

(C دیارخراو ناوێکی کۆی ناسراوە و ئامرازی دانەپاڵ دەرنەکەوتووە.

(D هاوەڵکاری ڕستەکە پێکهاتووە لە (ناو+پاشگر).

26.

...................... لە چڕیۆکنووسانی گۆڤاری هاوارە.

(A شاکر فەتاح

(B قەدری جان

(C برایم ئەحمەد

(D عەلائەدین سەجادی

27.

کام لەمانە ئاست و ڕادەی گرنگی و بایەخی دەق بۆ خوێنەر و داهێنەریش دەستنیشان دەکات؟

(A تیۆری ئەدەبی

(B ڕەخنەی ئەدەبی

(C مێژووی ئەدەبی

(D هەموویان ڕاسن.

28.

چیرۆکی کوردی لە قۆناغی (1970-1991) سودی لە ........... وەرگرتووە، کە بووە هۆی شکاندنی قاڵبی خۆبەستنەوەی چیرۆکنووس لە کاتێکی دیاریکراو؟

(A بەیت و لاوک

(B داستانی کۆنی فۆلکلۆری

(C هونەری سینەما

(D (A + C) ڕاسن.

29.

ئەو پێوانە ڕەخنەییانەی کە لە ڕێبازی ڕۆمانتیکی بۆ شیعری ..................... دەستیاندەدا، بەرهەمی خودی و کەسی بوون؟

(A کۆمێدی

(B تراژیدی

(C لریيکی

(D هەموویان ڕاسن.

30.

وتارە ڕەخنەییەکانی کام گۆڤار وردتر و زانستانەتر بوون و جێگای بایەخپێدانی ئەدەبدۆستان بوون؟

(A شەفەق

(B گەلاوێژ

(C هاوار

(D دەنگی گێتی تازە

31.

لە کام لەم بەرهەمانەدا نووسەر تێڕوانینی خۆی دەربارەی گۆران خستووتەڕوو؟

(A بەرگی یەکەمی شیعرو ئەدەبیاتی کوردی

(B مێژووی ئەدەبی کوردی

(C گوڵ دەستەی شوعەرای هاوعەسرم

(D بەرگی دووەمی شیعرو ئەدەبیاتی کوردی

32.

دەربارەی چڕیۆکی کوردی کام لەمانە ڕاستە؟

(A لای (حسێن عارف) زمانی نوسینی چڕیۆک تۆکمە و بەپێزە بەتایبەتی لە کۆمەڵە چڕیۆکەکانی (تەنیایی).

(B چڕیۆکنووسانی گۆڤاری (گەلاوێژ) لە ڕووی ناوەڕۆکەوە زیاتر هەوڵیانداوە پرسی نەتەوایەتی و خەباتی چینایەتی خبەنەڕوو.

(C کاریگەری چڕیۆکی گەلانی تر دیارە بەسەر چڕیۆکەکانی قۆناغی (1970-1991) بە تایبەتی ئەڵمانی و ڕوسی و ئەمریکای لاتینی.

(D چڕیۆکی کوردی لە قۆناغی (1958-1970) سوودی لە بەیت و لاوک و داستانی کۆنی فۆلکلۆری وەرگرتووە.

33.

لە قۆناغی ................. شیعری کوردی هەڵگری بیری فەلسەفی و مەعریفیی بووە بەتایبەتی ئەو ییرە فەلسەفییانەی کە سەرچاوەکەی خۆر ئاوای هاوچەرخ بوون:

(A 1939-1958

(B 1958-1970

(C 1970-1975

(D 1975-1991

34.

کام لەم شیعرانە دیمەنی دواکەوتووی ناو کۆمەڵگا بەرجەستەدەکات؟

(A قەڵاچۆی دوژمن

(B نەسرین

(C بێشکەی منال

(D گینگڵ

35.

ڕوانگە ئاستی چڕیۆکی کوردی بەرزکردەوە، بە:

(A تەکنیکی تازە و بەکارهێنانی دیالۆگ و مەنەلۆگ

(B چڕکردنەوەی گێڕانەوە

(C بەکارهێنانی تەوژمی هۆش

(D هەموویان ڕاسن.

36.

لە کام لەم نیوەدێڕە شیعرانەدا شاعیر هەستی پڕتاسەی بەرامبەر بە خاکی کوردستان و ژمارەی زۆری شەهیدانی کوردستان دەربڕیوە؟

(A لە کەناری هەر جۆگەیێ

(B بۆ ڕووباری بەهاری دەزێ

(C گەر هەورەکان نەبن ناژی

(D جێگای نزارگەی عاشقان بوو

37.

شاعیرانی کورد لە ماوەی ساڵانی (1958-1970) زیاتر کێشی ........... و سەروای ........... یان پەیڕەوکردووە؟

(A ئازاد - مەسنەوی

(B خۆماڵی - ئازاد

(C بڕگەیی - یەکگرتوو

(D بڕگەیی - مەسنەوی

38.

پێش شۆڕشی تەمووز چەندین ڕۆژنامە و گۆڤاری تر هاتنە ئاراوە، لە وانە (ڕوناهی) لە ساڵی:

(A 1941

(B 1946

(C 1948

(D 1957

39.

لە لای ..................... باشترین شیعر ئەو شیعرەیە کە وشەکانی جوان و چێژبەخش و ڕەوان بن و واتاکانیشیان سود بەخش بن:

(A ئەحمەدی خانی

(B نالی

(C ساڵم

(D مەلای جزیری

40.

شاعیرانی کورد لە پاڵ ئاوڕدانەوە لە خەباتی نەتەوەکەیان باوەشیان بۆ خەباتی گەلانی تر کردۆتەوە وەک ................ پشتگیری شۆڕشی کۆنگۆ دەکات:

(A کامەران موکری

(B قەدری جان

(C دیلان

(D گۆران

41.

ئەرکی شیعری کوردی لە قۆناغی (1975-1991) گۆڕا بۆ:

(A سیاسی و نەتەوایەتی

(B سیاسی و کۆمەڵایەتی

(C بەرەنگاری

(D چینایەتی

42.

لە چوارچێوەی بابەتی نیشتمانپەروەریدا دێتە گۆڕەپانەکەوە و هەستی کوردانەی خۆی بۆ سەربەخۆیی و هەڵکردنی ئاڵای کوردستان دەردەبڕێت:

(A بێکەس

(B دیالن

(C ئەحمەد هەردی

(D جگەرخوێن

43.

لە ڕووی ناوەڕۆکەوە ............................. سەرەکیترین بابەتی وتار بووە لە قۆناغی (1958-1970):

(A بابەتی مێژوویی

(B بابەتی سیاسی

(C بابەتی کۆمەڵایەتی

(D هەموویان ڕاسن.

44.

دەربارەی وێنەی شیعری کوردی لە قۆناغی (1970-1975) کام لەمانە ڕاستە؟

(A وێنەی شیعری بەتەواوەتی خۆی دەربازکردووە لە لاسایکردنەوە و وێنەی دووبارە.

(B وێنەی شیعری لەپێناو گەیاندنی پەیامێکدابووە و مەبەستێکی تایبەتی لە گەڵدابووە.

(C وێنەی ڕوتی ڕەوانبێژی بەکارنەهاتووە.

(D هەموویان ڕاسن.

45.

(لالۆ کەریم) چ جۆرە هونەرێکی ئەدەبییە و لە نووسینی کێیە؟

(A چڕیۆکی مامناوەندی، جەمال نەبەز

(B چڕیۆکی مامناوەندی، جەمال بابان

(C چڕیۆکی کورت، جەمال نەبەز

(D چڕیۆکی کورت، حسێن عارف

46.

تاکەی چون مەجنون وێڵی هەردان بم؟ لەم نیوەدێڕە لێکچواندنەدا، کام لەمانە ئەو بنەڕەتەیە کە باس باسی ئەوەو، ئەوانی تر بۆ خزمەتی ئەم هاتوون؟

(A مەجنون

(B وێڵی هەردان

(C م

(D چون

47.

هەر چەند گوڵ سیس ئەبێ بگرین ئاڵتونی دار ئەڕژێ بگرین کام لەم دێڕە شیعرانە هەمان بابەت و جۆری ڕەوانبێژیی دێڕی سەرەوەی تێدایە؟

(A ئەگەر خاڵت بڵێم مشکی خەتایە عەزیزی من ئەمەم عەینی خەتایە

(B ئیلاهی! نێرگزا مەی مەست و نازک ژ دەستێ خوار و بەدخواهان بپارێز

(C هەریەک بە ڕەنگی مەرامی پێتە گیانیان بە دیاری خاکی بەرپێتە

(D ئەوەی ڕێگای لە کوردەکان گۆڕی لەعنەتی خوا لە ئەحلەد و گۆڕی

48.

لەکام لەم دێڕە شیعرانەدا تەنها ئەو بنەمایەی کە سیفەت و لایەنی هاوبەشی نێوان هەردوو بنەما بنچینەییەکەی لێکچواندنە نەهاتووە؟

(A قەسەم بەو شەربەتی دیداری پاکت شەرابم عەینی ژەهری مارە بێ تۆ

(B کوڕ ئاینەیێ جەماڵێ زاتن کەچ مەظهەرێ پورتەوا صیفاتن

(C دەمێک بوو چاوەڕێی بەفرێکی وابووم مژدە بێ باری سەرم بەفرە کەچی هێشتا شەڕە تۆپەڵمە بۆ یاری

(D منیش ئارەزووی ئەوسام نەماوە عەشقم گۆڕاوە دڵم هەر وەکو گوڵی بێ باران سیس و ژاکاوە

49.

لەم دێڕە شیعرەدا: (نەقابیلی حەملێ داغ و دەردان نە ماییلی سەیری باغ و وەردان) ڕەگەزدۆزیی ناتەواوە لە:

(A ژمارەی (پیت)

(B ڕیزی (پیت)

(C جۆری (پیت)

(D ڕیزو جۆری (پیت)

50.

لەم دێڕە شیعرەدا چ بابەتێکی ڕەوانبێژی هەیە؟ لە گریەی زۆری من و خەندەی کەمی تۆ هەموو دنیا بووەتە شن و ڕۆڕۆ

(A دژیەکی نەڕێ

(B خواستنی دیرکاو

(C ڕەگەز دۆزیی تەواو

(D دژیەکی ئەڕێ