‌‌‌حکومەتی هەرێمی کوردستان - عێراق

وەزارەتی پەروەردە -لیژنەی باڵای تاقیکردنەوە گشتييەكان

تاقيكردنەوە گشتييةكانی قۆناغی ئامادەيی ( دوازدەيەمی زانسيتی )

بەناوەی خوای گەورە

بابەت: زیندەزانی / کات :٣ کاتژمێر

A

ساڵی خوێندن 2024-2025 خولی دووەم

پەنجەمۆر

وەڵامی ڕاست هەڵبژێرە ( بۆ هەر پرسيارێك دوو نمرە )

ئەو شانەیەی چینی دەەرەوەی لوولەکانی خوێنی لێ پێکدێت جیاوازە لەو شانەیەی چینی ناوەوەی لوولەکانی خوێنی لێ پێکدێت، بەوەی کە ئەو شانەیەی چینی دەەرەوەی لوولەکانی خوێنی لێ پێکدێت-:

(A خانەکانی لە بڕێکی گەورەی نێوانە ماددەدا نقوم بوون

(B بەستەرەشانەیە

(C رووکەشە شانەیە

(D (A و B) هەردووکیان ڕاستن

لووسە ماسولکە-:

(A لە ڕێڕەوەکانی زاوزێی مێیە هەیە.

(B بە شێوەی جووتی هاودێژ کاردەکات.

(C ریشالەکانی بە بەستەرەشانە دەورە نەدراون.

(D خاڵەکانی بنەچەو جێبەستی هەیە

کام لەمانە دەربارەی لوولەکان لە پێکهاتەی ئێسکی درێژدا هەڵەیە؟

(A مۆخی زەردی ئێسکی تێدایە

(B لە پەڕەکان پێکدێن

(C بەشێکە لە پێکهاتەی ئێسکی پتەو

(D لە ناوەڕاستی هەر لوولەیەکدا جۆگەیەکی هاڤەرس هەیە

هەموو ئەمانە ڕاستن دەربارەی جومگەی تەوەرەیی جگە لەوەی کە-:

(A جۆرێکە لە جومگە بزێوەکان

(B ڕێگە بە چەماندنەوە و سوڕانەوەی لەش دەدات

(C لە بڕبڕەی پشـتدا هەیە

(D لە تەوەرەپەیکەردا هەیە

پەیکەرە ماسولکەکان-:

(A بە بەرگە ئێسکەوە نە بەستراون

(B بە بەرگە ئێسکەوە بەستراون بە شێوەیەکی ڕاستەوخۆ

(C بە بەرگە ئێسکەوە بەستراون لە ڕێگای ژێیەکانەوە

(D (B + C) هەردووکیان ڕاستن

هەموو ئەمانە لە ئێسکەکانی پەلە پەیکەرن جگە لە ئێسکی-:

(A چەڵەمە

(B کۆڵە

(C تەلەزمە

(D دفە

کام لەم لوولە خوێنانە خوێنی ڕەنگ سووری تێری تێدایە (دەگوازێتەوە)-:

(A کلۆرە خوێنهێنەرەکان

(B سییە خوێنهێنەرەکان

(C سییەخوێنبەر

(D (A و C) هەردووکیان ڕاستن

کام لەمانە دەربارەی قۆناغی خاوبوونەوەی گوێچکەڵە و سکۆڵە ڕاستە؟

(A ئاراستەی گواستنەوەی خوێن لە هەردوو گوێچکەڵەوە بەرەو هەردوو سکۆڵەوە دەبێت

(B بە شەپۆلی P دەنوێنرێت لە هێڵکاری دڵ

(C ئەوکاتەی دەیخایەنێت زیاترە لەو کاتەی قۆناغی گرژبوونی گوێچکەڵەیی دەیخایەنێت

(D خوێن دەگەڕێتەوە تا هەردوو سکۆڵە پڕ دەکاتەوە

هەموو ئەمانە شلەیەک دەردەدات بۆ کەمکردنەوەی لێکخشاندن جگە لە-:

(A پلورە

(B ناوپەنچک

(C ئەو شانەیەی ڕووی جومگەی ئەژنۆ دادەپۆشێت

(D پەردەی دڵ

10.

خرۆکە سپییەکانی خوێن لەبەرئەوەی ..................... دەتوانن فرمانەکەیان ئەنجامبدەن.

(A توانای دەردانی ئەنزیمەکانی خوێن مەیینیان هەیە

(B لە مۆخی سووری ئێسک دروست دەبن

(C دەتوانن لە ڕێگەی کونەکانی دیواری لوولەکانی خوێن بچن بۆ شلەی نێوان خانەکان

(D ناووک و ئەندامۆچکەکانیان وندەکەن

11.

خشتەی بەرامبەر ئەنجامی تێکەڵکردنی چەند سامپلێک خوێن پیشاندەدات، کام لەو ئەنجامانە ڕاستن؟

12.

کام لەم بەرگریکانە ئاماجنەکەی جۆرێکی دیاریکراوە لە هۆکارەکانی نەخۆشی؟

(A لینجە پەردەکان

(B وەڵامدانەوە هەوکردنەکان

(C بەرگرییە تایبەتییەکان

(D وەڵامدانەوەی گەرمی

13.

کوژەرە خانە سروشتییەکان جیاوازن لە خرۆکە سپییە هاوتاکان بەوەی کە کوژەرە خانە سروشتییەکان-:

(A خرۆکەی سپی خوێنن

(B لە بەرگری گشتی بەشداری دەکەن

(C پەلاماری خانەی تووشبوو بە هۆکاری نەخۆشی دەدەن

(D هۆکاری نەخۆشی قووت دەدەن

14.

لە کام بنەما لە چوار بنەمای بەدەستهاتەکانی کوخ پێویستە هۆکاری نەخۆشی لە تاقیگە پەرەی پێبدرێت؟

(A 1 و 3

(B 2 و 4

(C 1 و 2

(D 3 و 4

15.

بە پشت بەستن بەو شێوەیەی بەرامبەر، وەڵامی ڕاست لە خشتەکەی خوارەوەدا هەڵبژێرە.

16.

کام لەمانە دەربارەی وەڵامدانەوە بەرگرییەکانی دووەمی ڕاستە کاتێک کەسێک دووبارە تووشی هەمان هۆکاری نەخۆشی دەبێتەوە؟

(A کەسەکە دەپارێزیت لە تووشبوون بە هۆکاری نەخۆشی نوێ

(B بریخەرەوە خانەکان بۆ یەکەم جار بەرهەم دەهێنرێن

(C بریخەرەوە خانەکان یەکسەر ئەم هۆکارە نەخۆشییە دەناسنەوە و دەست دەکەن بە خێرا دابەشبوون

(D (B و C) هەردووکیان ڕاستن

17.

دژەتەنەکان بە هۆکارەکانی نەخۆشییەوە دەبەسترێن بە مەش چالاکیان دەوەستێنن و تێکیاندەشکێنن لە ڕێگای-:

(A نا ڕاستەوخۆ بە هۆی بەرگرییە تایبەتییەکان

(B قەدەغەی چوونەژووریان بۆ ناوخانە و قەدەغەی زۆربوونیان دەکەن

(C کونکردنی پەردەی خانەی تووشبوو بە هۆکاری نەخۆشی و تەقینی خانەکە

(D هەموو وەڵامەکان ڕاستن

18.

کام لەمانە هەمیشە (بەردەوام) دژە پەیداکەری نوێ هەڵدەگرن؟

(A ڤایرۆسی هەڵامەت

(B ڤایرۆسی ئەنفلونزا

(C ڤایرۆسی HIV

(D هەموو وەڵامەکان ڕاستن

19.

شێوەی بەرامبەر بەشێک لە تەوەرەی دەمارە خانەیەک پیشاندەدات، کام لەمانە وەڵامی ڕاستە دەربارەی جوڵەی ئایۆنەکان لە شوێنی دیاریکراویان بە تەوەرەی دەمارە خانە

20.

چیكڵدانەکان بە پەردەی خانەی پێش گەیێنکەوە دەلکێن کاتێک :-

(A دەمارە گوێزرەوەکان بە هۆی ئەنزیمیەکانەوە هەڵدەوەشێن

(B نەرکی کار دەگاتە دەمارە کۆتاییەکانی خانەی پێش گەیێنکە

(C دەمارە گوێزرەوەکان لە لایەن خانەی پاش گەیێنکە دووبارە دەمژرێنەوە

(D پاڵنەری سۆدیۆم - پۆتاسیۆم چالاکدەبێت

21.

جووڵەبەشی چێوە کۆئەندامی دەمار دەست بەسەر....................دەگرێت.

(A جووڵەی پەیکەرە ماسولکەکان

(B کاری لووسەماسولکەکان

(C دەردانی هەموو لەشە هۆرمۆنەکان بە ڕێگای ڕاستەوخۆ

(D (A و B) هەردووکیان ڕاستن

22.

ئەو وەرگرانەی کاربۆناتی کالسیۆمیان لەسەرە لە جۆری-:

(A میکانیکە وەرگرەکانە

(B ئازار وەرگرەکانە

(C کیمیکە وەرگرەکانە

(D ڕۆشنە وەرگرەکانە

23.

ئەو بەشەی دەماغ کامەیە کە تێیدا تێگەیشتنی بەڕکەوتنە راگەیاندنەکانی تێدایە؟

(A توێکڵی مێشک

(B نێوانە دەماغ

(C ناوەڕاستە دەماغ

(D ئەو بەشەی مێشک کە دەکەوێتە ژێر توێکڵی مێشک

24.

خانە چیلکەییەکان جیاوازن لە خانە قوچەکییەکان بەوەی کە خانە چیلکەییەکان-:

(A وەڵامی ڕۆشنایی درەوشاوە دەدەنەوە

(B بۆیەی ڕۆدۆپسینیان تێدایە

(C لە بەرهەمهێنانی وێنەی وەردا هاوبەشی دەکەن

(D وەڵامی ڕەنگە جیاوازەکان دەدەنەوە

25.

لە کەسێکی ئالودەبوودا کاتێک کۆکایین لادەبرێت لە دەمارە گەیێنکەدا و دووبارە دەرپەڕاندنەوەی دۆپامینیش بۆ سروشتی خۆی دەگەڕێتەوە دەمارە خانەی پاش گەییەنکە :-

(A وریابوونەوەی زیاد دەبێت

(B وریابوونەوەی کەم دەبێتەوە

(C ژمارەی وەرگرە پڕۆتینەکان لە پەردەی پاش گەییەنکە کەم دەبنەوە

(D (B و C) هەردووکیان ڕاستن

26.

ئەو گەردەیە کە دەبێتە هۆی دەستپێکی گۆڕانەکانی ناو خانە بۆ وەڵامدانەوەی ماددەیەکی دیاریکراو لە وەرگرێکی دیاریکراودا لەسەر ڕووی پەردەی خانەکە.

(A نێردراوی یەکەمی

(B وەرگری پڕۆتینی

(C نێردراوی دووەمی

(D ئاوێتەی هۆرمۆن – وەرگر

27.

لە کام لەم بارانە هۆرمۆنی ئەدرینالین دەردەدرێت؟

(A کەمی خەسیتی گلوکۆز لە خوێندا

(B کاتێک کەسێک دڵەڕاوکێی هەیە یان لە ژێر فشار دایە

(C لاچوونی ماوەی هەرەشە لەسەر مرۆڤ

(D (A و B) هەردووکیان ڕاستن

28.

خانەکانی دەردان و خانەکانی ئامانجی کام لەم هۆرمۆنانە بەشێکن لە هەمان ئەندام؟

(A سیکریتین

(B گاسترین

(C پاراثایرۆید

(D کالسیتۆنین

29.

هەموو ئەو کۆمەڵانەی دێن هۆرمۆنێکیان تێدایە کە شوێن دەردانەکەی سەر بە کۆمەڵەکە نییە جگە لە :-

(A ئەنسۆلین، پڕۆستاگلاندین، گلوکاگۆن

(B ئۆکسیتۆسین، ئیپینیفرین، هۆرمۆنی دژەمیزتن

(C ئەڵدۆستیرۆن، کۆرتیزۆل، گلوکاگۆن

(D هانده‌ری ثایرۆیدە ڕژێن، هانده‌ری توێکڵی ئەدرینال، هانده‌ری چیکڵدانە

30.

کام لەمانە دەربارەی لوولەی گوێزرەوە ڕاستە؟

(A بە دەوری میزەرۆدا پێچ دەخوات

(B لە هەر نێرەیەکی ئاسایی دا ژمارەیان دوو دانەیە

(C تەواو دەگوازێتەوە بۆ میزەرۆ

(D هەموو وەڵامەکان ڕاستن

31.

کام لەمانە هۆرمۆنی تیستێتیرۆن دەردەدات؟

(A گون

(B تۆواوە چیکلدانە

(C ڕژێنی پڕۆستات

(D هەموو وەڵامەکان هەڵەن

32.

هەموو ئەمانە لە جۆگەی فالوپدا ڕوودەدەن جگە لە :-

(A دروست بوونی مۆریۆلا

(B دروست بوونی هێڵکەی پیتراو

(C دابەشبوونی دووەمی کەمەدابەشبوونی هێلکە

(D دروست بوونی جەمسەرە تەنی یەکەم

33.

کام لەمانە ئیسترۆجین دەردەدات؟

(A هێلکەی پێگەیشتوو

(B تەنی زەرد

(C ناوکه‌ پەتکی گەشەکردوو

(D هەموو وەڵامەکان ڕاستن

34.

بە پشت بەستن بەو شێوەیەی بەرامبەر کە ناوپۆشی منداڵدان و کەرتی وێڵاشی تایبەت بە دایک و کەرتی وێڵاشی تایبەت بە کۆرپەلە رووندەکاتەوە ،وەڵامی ڕاست لەخوارەوە هەڵبژێرە :-

(A ڕەنووسەکانی 1 و 2 ئاماژە بۆ دوو خوێنهێنەری دایک دەکەن

(B ڕەنووسەکانی 1 و 2 ئاماژە بۆ دوو خوێنبەری دایک دەکەن

(C ڕەنووسی 1 ئاماژە بۆ ناوکە خوێهێنەر دەکات و ڕەنووسی 2 ئاماژە بۆ خوێنهێنەری دایک دەکات

(D ڕەنووسی 1 ئاماژە بۆ خوێنهێنەری دایک دەکات و ڕەنووسی 2 ئاماژە بۆ ناوەکە خوێنبەر دەکات

35.

لە ماوەی سێیەکی یەکەمی سکپری :-

(A چینەکانی خانە دروستکەرە یەکەمییەکان دروست نابن

(B چوارپەردەکانی کۆرپەلە دروست نابن

(C دایک هەست بە جووڵەی کۆرپەلە ناکات

(D دڵ دەست بە لێدان ناکات

36.

لە کام لەم جووتبوونانەی خوارەوە ڕێژەی بۆماوە بابەتی یەکرەگ بۆ دوورەگ دەکاتە 1:1 :-

(A جووتبوونی تاکە دووڕەگبوون (یەکڕەگ × دووڕەگ)

(B جووتبوونی تاکە دووڕەگبوون (دووڕەگ × دووڕەگ)

(C زاڵبوونی ناتەواو (دووڕەگ × دووڕەگ)

(D هەموو وەڵامەکان ڕاستن

37.

لە بۆماوەی مەندلیدا، ئەلیلێک (هۆکارێک) بە زاڵ ناودەبرێت ئەگەر:-

(A تەنها لە باری یەکڕەگی توانای دەربڕینی هەیە

(B تەنها لە باری دووڕەگی توانای دەربڕینی هەیە

(C لە باری دووڕەگیدا کاریگەری هۆکارێکی دیکە دابپۆشێت

(D لە باری دووڕەگیدا تێکەڵبوون لە نێوان دوو ئەلیلەکە ڕوودەدات

38.

بە پێی ئەو تاقیکردنەوانەی مەندل لەسەر ڕووەکی پۆلکە ئەنجامیدا، کام لەمانە دەربڕین لە تێکەڵە پەڕین دەکات؟

(A Tt × Tt

(B tt × TT

(C TT × TT

(D هەموو وەڵامەکان ڕاستن

39.

کام لەمانە ڕیزبەندی نیوکلیۆتایدەکانە لەسەر زنجیرەی قالب لە گەردی DNA دا کە لەبەرگرتنەوەی بۆ دەکرێت بەڵام پاشان وەرگێڕانی بۆ ناکرێت ؟

(A TAC

(B ACT

(C ATC

(D (B و C) هەردووکیان ڕاستن

40.

شێوەکانی (1 و 2) لە خوارەوە ئەنجامی تاقیکردنەوەکانی هێرشی و چەیس دەنوێنن، لە کام تاقیکردنەوەد 35S یان بەکار هێنا و لەکام تاقیکردنەوەش 32P یان بەکار ‌هێنا ؟

(A لە تاقیکردنەوەی یەکەم 35S و لە دووەم 32P

(B لە تاقیکردنەوەی یەکەم 32P و لە دووەم 35S

(C لە هەردوو تاقیکردنەوەکان 35S بەکار‌هێنا

(D لە هەردوو تاقیکردنەوەکان 32P بەکارهێنا

41.

بە پشت بەستن بەو شێوەیەی بەرامبەر کە کرداری دووهێندبوونی DNA ڕووندەکاتەوە, دوای تەواو بوونی ئەم کردارە کام لەم هەڵبژاردنانەی خشتەی خوارەوە دەربارەی ڕێژەی پریمیدنەکان و ڕێژەی پیورینەکان ڕاستە ؟

42.

کام لەمانە دەربارەی کرداری دروستبوونی پڕۆتین لە زیندەوەرە ناووک ڕاستەقینەکاندا هەڵەیە؟

(A بە سود وەرگرتن لە خشتەی کۆدۆنەکان، کۆدۆنی GCU ترشی ئەمینی ئەلانین لە بۆماوە پەڕلەدا دیاریدەکات لە هەموو زیندەوەراندا

(B لە لەبەرگرتنەوەدا بەشێک لە زنجیرەیەکی DNA بەکاردەهێنرێت بۆ لەبەرگرتنەوەی tRNA

(C وەرگێڕان دەست پێدەکات پێش ئەوەی لەبەرگرتنەوە تەواوبێت

(D لەبەرگرتنەوە لە ناووکی خانە ڕوودەدات

43.

لە کام هەنگاوی وەرگێڕاندا دوا tRNA ڕایبۆسۆم بەجێدەهێڵێت؟

(A درێژبوونەوە

(B دەستپێک

(C کۆتاییهێنان

(D جیابوونەوە

44.

ئەگەر لە لێکدانێکی تاکە دووڕەگبووندا نیوەی تاکە پەیدابوەکان ڕوخساری زاڵ دەربخەن، ئەوا بۆماوە بابەتی باوان :-

(A هەردووکیان دووڕەگ دەبن

(B یەکێکیان دووڕەگ دەبێت و ئەویتریان یەکڕەگ و زاڵ دەبێت

(C یەکێکیان دووڕەگ دەبێت و ئەویتریان بەزیو دەبێت

(D هەردووکیان یەکڕەگ دەبن

45.

لە لێکدانێکی جووتەدووڕەگبوون لە نێوان دوو ڕوەکی پۆلکەدا یەکێکیان قەد کورت و گوڵ تەوەرەیی ئەویتریان نەزانراو بوو بۆ هەردوو ڕوخسار ئەم رێژانەیان لێ پەیدا بوو (1 قەد کورت و گوڵ تەوەرەیی : 1قەد کورت و گوڵ لوتکەیی)،ئەوا کام لەمانە روخسارە بابەتی رووەکە نەزانراوەکە نیشاندەدات ؟

(A قەد کورت و گوڵ لوتکەیی

(B قەد درێژ و گوڵ لوتکەیی

(C قەد کورت و گوڵ تەوەرەیی

(D قەد درێژ و گوڵ تەوەرەیی

46.

کام لەمانەی خوارەوە دەربارەی پێکهاتنی گەردی DNA ڕاستە؟ ١- ژمارەی گەردەکانی شەکر یەکسانە بە ژمارەی گەردەکانی کۆمەڵەی فۆسفاتی ٢- هەر نیوکلیۆتیدێک لەگەڵ نیوکلیۆتیدێکی دیکە لەوانەیە تەنها لە تفتی نایترۆجینییەکەیان جیاوازبێت ٣- تفتی نایترۆجینی ڕاستەوخۆ بە کۆماڵەی فۆسفاتی دەبەسترێت بە بەندی هاوبەشەوە .

(A 1 و 2

(B 1 و 3

(C 2 و 3

(D 1 و 2 و 3

47.

شوێنی دەستپێک جیاوازە لە کۆدۆنی دەستپێک بەوەی کە شوێنی دەستپێک :-

(A ڕیزبەندی دیاریکراوی نیوکلیۆتایدەکانی DNA یە

(B ئەنزیمی پەلمەڕەی DNA پێوەبەنددەبێت

(C کرداری وەرگێڕانی لێ دەستپێدەکات

(D (A+B) هەردووکیان ڕاستن

48.

بە پشت بەستن بە خشتەی کۆدۆنەکانی بەرامبەر ئەگەر ئەم زنجیرەیە DNA (CTCAAGTGCTTC) تەواوکەری ئەو زنجیرەیە بێت کە وەک قالب کاردەکات بۆ بەرهەمهێنانی mRNA ,کام لەم فرە پپتیدانەی خوارەوە بەرهەمدێت؟

(A لیوسین – تایرۆسین – ئەرگنین – فینیل ئالانین

(B ڤالین – ترشی ئەسپارتیك – پڕۆلین – هیستیدین

(C لیوسین – لایسین – سیستین – فینیل ئالانین

(D پرۆلین – ترشی گلوتامیک – لیوسین – ڤالین

49.

لێکدانی تاقیکاری بۆماوە بابەتی هەرتاکێک دیاری دەکات کە بە .............. جیادەکرێتەوە.

(A روخسارە بابەتی زاڵ

(B روخسارە بابەتی بەزیو

(C روخسارە بابەتی زاڵ و بەزیو

(D روخسارێکی مام ناوەند

50.

لە ماوەی 28 ڕۆژ لە هەردوو سووڕی هێڵکەدان و مانگانە، کام لەمانە بە ڕیزبەندی تەواو ڕوودەدات؟ (1- دەردانی هۆرمۆنی هاندەری چیکڵدانە ، 2- دروستبونی تەنی زەرد ، 3- گەشەو پەرەسەندنی چیکڵدانە ، 4- گێلکەدانان ، 5- زۆر بەرزبوونەوەی خەستی هۆرمۆنی هاندەری تەنی زەرد )